Það vantar ekki að hægt er á stuttum tíma að skrapa saman tugi milljarða upp úr þuru í Svíþjóð til að kaupa sprengjur til að drepa fleiri saklausa í Úkraínu. En þegar kemur að því að berjast gegn innlendri hryðjuverkastarfsemi er alltaf skorið við nögl. Samt eru blaðamannafundir sænsku ríkisstjórnarinnar um innlenda glæpastarfsemi síst færri en þeir sem haldnir eru um hina nýju „frelsisbaráttu“ Svía í austri.
Fréttaritari hefur fyrir nokkru síðan orðið svo leiður á hversdagssprengjuódæðum í Svíþjóð, að orðið hryðjuverkastarfsemi verður fyrir valinu vegna sífelldra sprenginga í sænskum fjölbýlishúsum í vopnuðu stríði glæpahópanna í Svíþjóð. Lögreglan talar um almenna eyðileggingu þegar enginn drepst. Morð ef einhver er drepinn.
Hryðjuverkaárás á fjölbýlishús í Farsta í suður Stokkhólmi í gærkveldi – 5 særðir
Um hálf níuleytið var sprengjuárás á fjölbýlishús í Farsta í suður Stokkhólmi. Sprengjan sprakk í stigagangi fjölbýlishúss. Að minnsta kosti 5 manns særðust. Hurðir sprengdust sundur og rúður brotnuðu. Daniel Wikdahl hjá lögreglunni segir, að lögreglan viti ekki um hvers konar sprengju hafi verið að ræða. Í nótt hafði sprengjudeild lögreglunnar rannsakað húsið og ekki fundið fleiri sprengjur. Sérfræðingar athuguðu húsið og dæmdu ekki hættu vera á að það hryndi og því gætu íbúarnir snúið aftur heim. Af þeim særðu fóru þrír á sjúkrahús en enginn var lífshættulega særður. Lögreglan tilkynnti þriðjudagsmorgun, að einn grunaður einstaklingur hefði verið handtekinn í sambandi við málið.
Hryðjuverkaárás á fjölbýlishús í Lidingö í Stokkhólmi í nótt – 2 særðir
Strax fyrir klukkan fjögur í nótt heyrðist hár hvellur í Larsberg hverfinu á Lidingö í austur Stokkhólmi. Sprengja sprakk við anddyri fjölbýlishúss. Tveir særðust „lítillega“ að sögn lögreglunnar. Skemmdir á anddyri og rúðum. Enginn handtekinn enn sem komið er. Sprengjudeildin er á staðnum til rannsókna.
Sjá má yfirlit sænska sjónvarpsins af hryðjuverkaárásum hér
Þrír alvarlega særðir eftir hnífstungur á sjúkrahús í Skellefteå í nótt
50 nýjar „hundabollur“ fundnar í Malmö í nótt (bollur með járn- og glerbrotum í til að drepa hunda sem borða þær).
